Málfræði hefur löngum verið stór hluti af móðumálskennslu íslenskra barna og unglinga. Hætt er við að hún verði staglkennd og jafnvel of fyrirferðamikil, á meðan aðrir veigamiklir þættir eins og ritun og tjáning sitja á hakanum. Með því að nýta sér krafta Stoðkennarans er hægt að vinna á markvissan hátt í málfræðinni og nýta sér gagnvirkni tölvunnar, bæði í skóla og heima fyrir, en nota þann tíma sem sparast við yfirferð verkefna til að vinna með móðurmálið á meira skapandi hátt.

Í þessu námskeiði, sem einkum er miðað við þarfir og getu nemenda í 7. bekk, er farið ítarlega í orðflokkana og einkenni þeirra. Kennsluheftið er kjarni námskeiðsins en einnig er hér að finna sérstaka námseiningu sem snýr að nafnorðum og fallbeygingu þeirra. Námsefnið hentar afar vel sem ítarefni og stuðningur við námsbókina Málrækt sem víða er notuð.